Dünyanın ən böyük kriptovalyuta birjası Rusiyadan tamamilə çıxa bilər

2

BƏYƏNDİM

ABUNƏ OL

News

0

Böyük kriptovalyuta birjası “Binance” Rusiya biznesini, o cümlədən bir vaxtlar vacib olan bazardan tam çıxma ehtimalını yenidən qiymətləndirir. 

“Tam çıxış da daxil olmaqla, bütün variantlar nəzərdən keçirilir”, – şirkət sözçüsü qəzetə deyib.

Nəşr bir həftə əvvəl bildirmişdi ki, “Binance” ruslara xaricə pul çıxarmağa kömək edir – baxmayaraq ki, şirkət ötən il ölkədə fəaliyyətini dayandırdığını, Qərbin sanksiyalarına əməl etdiyini və Rusiyadakı platformasında ticarəti məhdudlaşdırdığını bildirmişdi. Daha sonra “Binance” sanksiyalar altında olan Rusiya bankları ilə P2P ticarətini məhdudlaşdırıb.

Bundan əlavə, mübadilə hazırda ABŞ-da təzyiq altındadır, bura qiymətli kağızlar üzrə tənzimləyicilərin iddiaları, həmçinin senator Elizabet Varren kimi siyasətçilərin tənqidləri daxildir.ƏtraflıAds by 0Reklamınızı SmartBee ilə effektiv edin.

“Binance” əvvəlki pozuntuları etiraf ediv, lakin yanaşmalarını dəyişdiyini və qaydaların tətbiqinə ciddi yanaşdığını bildirib. Bazar ertəsi birja Rusiyadakı istifadəçilərə rəqəmsal tokenləri rubldan başqa valyutalarla mübadilə edə bilməyəcəklərini bildirərək, Rusiya P2P ticarət xidmətini daha da məhdudlaşdırmaq qərarına gəlib.

Bundan əvvəl “Binance” Rusiya Federasiyasının sakinləri üçün P2P xidməti vasitəsilə dollar və avro alqı-satqısını qadağan etmişdi.

P2P xidmətləri istifadəçilərə mübadilə vasitəçiliyi olmadan öz aralarında əməliyyatlar aparmağa imkan verir. Ruslar 2022-ci ildə “Binance” və digər kriptovalyuta birjalarının P2P xidmətlərindən xaricə pul köçürmə vasitəsi kimi fəal şəkildə istifadə etməyə başlayıblar.