Connect with us

Azərbaycanda yüksək ixtisaslı iqtisadçılara ehtiyac var – Neft Fondunun Rəhbəri

STRATEGİYA

Azərbaycanda yüksək ixtisaslı iqtisadçılara ehtiyac var – Neft Fondunun Rəhbəri

Azərbaycanın son 10 ildə iqtisadi modeli ozünü doğrultdu və ölkəmiz yenilənməyə başladı.

Moneta.az xəbər verir ki, bunu jurnalistlərə Azərbaycan Respublikası Dövlət Neft Fondunun icraçı direktoru Şahmar Mövsümov deyib.

Ş.Mövsümov qeyd edib ki, son 10 ildə bu iqtisadi model Azərbaycanı tamamilə yeni bir ölkəyə çevirdi və müasir infrastruktur yaradıldı: “Ancaq bu iqtisadi modelin yeni iqtisadi şəraitdə o qədər də böyük töhfəsi olmadı. Ona görə də yeni iqtisadi modellərin axtarışına başlandı, cənab Prezident tərəfindən müvafiq tapşırıqlar verildi, yeni strukturlar yaradıldı”.

İcraçı direktor bildirib ki, bu günlərdə cənab Prezident tərəfindən milli iqtisadiyyat və iqtisadiyyatın əsas sektorları üzrə strateji yol xəritələri təsdiq edildi: “Bu sənədlər həm ümumi iqtisadiyyatı, həm də iqtisadiyyatın ayrı-ayrı sahələrini əhatə edir. Çox mükəmməl bir sənəddir, onlar bütün lazımi proritetləri və tapşırıqları əhatə edir. Bu baxımdan ölkəmizdə yüksək ixtisaslı iqtisadçılara ehtiyac var”.

Yuxarı